Aminado ang Police Regional Office 6 nga mabudlay ang pagpangita sang ebidensya angot sa vote buying ukon baklanay sang boto sa tion sang eleksyon.
Suno kay PRO 6 spokesperson Police Lt. Col. Arnel Solis, may yara sang warrantless arrest kun sa diin sarang nga arestuhon ang maaktuhan nga nagabakal sang boto kag ini ang mahimo sang mga barangay tanod ukon sin-o man nga citizen.
Apang aminado man ini nga mabudlay ang pagtumod kun baklanay sang boto ang nagakatabo bangud mahimo nga irason sang natungdan nga bayad ini sa utang ukon anuman nga kabangdanan.
Suno sa PRO 6 spokesperson, pagpanghangkat sa Comelec, Philippine National Police kag sa iban nga ahensya ang pagpangita sang ebidensya nga vote buying ang nagakatabo.
Bangud sini, nagpanawagan ini sa mga pumuluyo nga mangin vigilant kag ipahibalo sa mga otoridad kun may nagaluntad nga vote buying sa ila lugar.
Nag-apela man ini sa mga botante nga indi pag-ibaligya ang boto bangud ini ang sagrado.
