Gincriticize sang Philippine Athletics Track and Field Association (PATAFA) ang Philippine Olympics Committee (POC) bangod sa pag-agaw sang trabaho sang PATAFA sa pagkilala kay EJ Obiena bilang Olympic scholar imbes nga ang sprinter nga si Kristina Knott.
Gintawag sang PATAFA nga “flagrant act” ang tikang sang POC nga pagpangalan kay Obiena bilang Athletics sports Olympics scholar para sa masunod nga tatlo ka tuig.
Pahayag sang PATAFA nga ginnominar nila ang sprinter nga si Kristina Knott bilang napili nga atleta nga makabenepisyo gikan sa International Olympc Committtee (IOC) grant.
Ang grant ang may tinutuyo nga masuportahan ang mga atleta nga nagapreparar para sa Paris Olympic Games 2024.
Nahibaluan nga sa karun ang PATAFA ang nahigot sa isyu kay Obiena, nga amo ang top pole vaulter sa Asia.
Ginsundan naman ini sang pagpalos nila kay Obiena gikan sa training pool sang asosasyon.
Apang ginsuspender sang POC ang PATAFA sa sulod sang 90 ka adlaw matapos nga wala sini ma kay-o ang problema sa Olympic pole vaulter.
Sa pihak nga bahin ang PATAFA ang nagapabilin naman nga hugot sa panindugan nga si Knott ang nagakadapat nga makabaton sang scholarship grant imbes nga si Obiena.
