Posible nga madowngrade sa Alert Level 2 ukon increasing unrest ang Taal Volcano sa masunod nga duha ka semana kun mag-improve ang sitwasyon suno sa Philippine Institute of Volcanology and Seismology (PHIVOLCS).
Suno kay PHIVOLCS Chief Renato Solidum Jr., padayon nga ginamonitor sang ahensya ang status sang bulkan kag preparado sa posible nga mga senaryo.
Suno diri, possible nga ipabilin lamang ini sa Alert Level 3 ukon kun magapadayon ang pagkalmado sini kag wala sang paglupok, posible nga manaog pa sila sa Alert Level 2 sa masunod nga duha ka semana.
Suno kay Solidaum, handa man ang PHIVOLCS in kaso nga ipasaka sa Alert Level 4.
Sang weekend, ginpaidalum ini sa Alert Level 3 matapos ang phreatomagmatic bursts.
Sang Lunes, tatlo ka phreatomagmatic bursts ang narekord sang PHIVOLCS kag walo ka mga volcanic earthquake.
