Ginalantaw sang tagpamaba sang 3rd Infantry Divison sang Philippine Army nga dako nga development ang pagkadakop sa secretary sang Bagong Alyansang Makabayan (Bayan)-Panay kahapon.
Suno kay Army Captain Kim Apitong, maayo nga balita ang pagkadakop kay Elmer Forro sa ginpatigayon nga police kag military operations sa isa ka balay sa Barangay Lutac, banwa sang Cabatuan, Iloilo.
Suno kay Apitong si Forro ang may kaso nga murder kag attempted murder matapos nga ini ang imbulbado sa ambush sang 2020 kun sa diin may napatay ang isa ka suldado.
Naaresto ang suspetsado matapos nga ginserbehan sang warrant of arrest nga gin-issue ni Hon. Germalyn Faunillo-Tarol sang Regional Trial Court (RTC) Branch 76 sa Janiuay, Iloilo sang Marso 5,2021.
Suno diri, nakita mismo sang tropa sang gobyerno nga si Forro ang yara sang natabo ang ambush sa Lambunao, Iloilo.
Ini ang nagapakita lamang nga ang nasambit nga persona ang nagasuporta sa CPP-NPA.
May yara man sang ginpatigayon kahapon nga pagkondenar sa CPP-NPA ang mga linibo ka mga civilian peace advocates, Local Government Units (LGU), concerned government agencies, suldado kag mga stakeholders paagi sa simultaneous “Region-wide Condemnation Against Terrorism kag Candle Lighting/Prayer for Peace” sa pila ka kabahin sang Western kag Central Visayas, nga may tema “CPP NPA NDF: 53 Taong Panloloko, 53 Taong Perwisyo”.
Ginpahayag man sini nga si Presidente Rodrigo Duterte ang nakahibalo nga ang mga rebeldeng NPA ang nagagamit sang mga legal front kaangay sang partylist kag nagapati man ini sang alkalde pa lang siya sang Davao City ang nahibaluan na sini ang angot diri.
Nagpanugyan man ini sa mga kasuldaduhan sa region 6 nga padayunon lamang ang pagtuman sang ila nga mandato nga proteksyunan ang mga pumuluyo sang Pilipinas batok sa mga terorista.
