Aminado ang gobernador sang Negros Occidental nga dako nga budget ang kinahanglanon sang local government unit kun madayon ang 4-day-work-week nga 10 oras ang trabaho sa sulod sang apat ka adlaw.
Suno kay Governor Eugenio Jose ‘Bong’ Lacson, may duha ka options nga ginapropose – ang 10 hours a day for 4 days apang entitled sa overtime pay kun maglapaw sa 8 hours ang duty sang empleyado, kag ang apat ka adlaw nga duty sa opisina kag work from home kun Biyernes.
Suno sa gobernador, may duha ka oras nga overtime sa idalom sang 10 hours a day for 4 days nga set-up gani wala sang budget ang LGU para sa daily overtime.
Bangud sini, mas ginapakamaayo sang gobernador ang apat ka adlaw nga trabajo sa Kapitolyo kag work from home kun Biyernes.
Suno kay Lacson, kinahanglan nga isettle ang issue angot sa overtime kun maglapaw sa walo ka oras.
Ang mga empleyado naman nga involved sa health services ang nagareport halin sa Lunes tubtub Biyernes.
Aminado ang gobernador nga mahimo may reklamo ang mga Negrense sa una nga tinion nga ginpatuman ang 4-day-work-week apang ila naman nga naintindihan sang nahibaluan ang sistema nga ginasunod sang Kapitolyo.
