Nagalaom ang Kontra Daya nga masampulan ang dalagko nga mga pulitiko ukon pamilya nga nagabakal sang boto sang mga pumuluyo sa karon nga may gintukod na nga task force nga magabantay batok sa korapsyon.
Sa interview sang Bombo Radyo sa convenor sang Kontra Daya nga si Prof. Danilo Arao, indi na kinahanglan sang task force bangud obligasyon sang Comelec ang motu proprio investigation vote buying.
Sa karon nga may task force na suno kay Arao, dapat nga masampulan ang mga kandidato mismo kag indi lang ang mga supporters nila.
Bangud sa teknolohiya sa karon, madamo na ang mga kandidato nga nakuhaan sang video nga nagapanagtag sang kwarta.
Suno kay Arao, pagpanghangkat para sa task force ang pag-establish sang vote buying bangud madamo sang alibi ang nagahatag sang kwarta nga ini ang donasyon sa ginhatagan.
Bangud sini, nagalaom si Arao nga madefine sang Comelec ang vote buying bangud bisan ang paghatag sang ayuda sang opisyal ang ginadumilian sa tion sang campaign period.
Nagalaom naman ang Kontra Daya convenor nga mangin non-partisan ang mga kapulisan kag suldado sa pagbantay sa mga nagabakal sang boto.
Aminado man ini nga indi tanan nga botante ang ginahatagan sang cold cash bangud uso na ang digital transaction ukon bank transfer paagi sa mobile application.
