Handa na ang mga pulis sa Bacolod nga magbantay sa seguridad kadungan sang obserbasyon sang Semana Santa kag subong man nga summer season.
Suno kay BCPO spokesperson Police Lt. Col. Sherlock Gabana, may mga personnel na nga igadeploy sa mga terminal, simbahan, resorts kag iban pa nga areas of convergence sa ciudad.
Aminado si Gabana nga may iban nga pumuluyo nga wala nagapamalandong kundi nagapaamulya sa mga resort.
Antes ang Semana Santa, nagpanugyan si Gabana si publiko nga siguruhon nga maayo ang kondisyon sang salakyan antes magbyahe agud makalikaw sa aksidente.
Nagpanugyan man sini nga siguruhon nga nakapadlock ang balay kag na-unplug ang mga appliances agud nga makalikaw sa sunog.
Nagpanugyan man ang BCPO spokesperson nga likawan ang pagdala sang malahalon nga kagamitan kun maglagaw kag bantayan sang maayo ang mga kabataan agud wala sang madisgrasya.
