Nagapanawagan ang Bacolod City Police Office (BCPO) Director nga ipahibalo sa mga otoridad kun may yara sang untoward incidents nga matabo kasunod sang pagpaidalom sa syudad sa yellow category.
Suno kay Police Col. Thomas Joseph Martir, ang syudad sang Bacolod ang ginpaidalom sa yellow category bangud sa gina-aligar may yara sang intense political rivalry kag ginasuspetsahan nga may matabo nga election related violence.
Ginpahayag man sang BCPO Director nga sa karun, wala sang reported nga mga election related violence kag malinong kag matawhay ang syudad sang Bacolod sa tion sang pagpangampanya sang mga nagapapili sa lokal nga pwesto.
Nagpanugyan man ini nga kun may yara sang magluntad nga kaangay nga insidente gilayon nga ipahibalo sa mga otoridad agud nga mahatagan sang nagakaigo nga atensyon.
Suno kay Martir wala man sang nareport nga may yara sang nagaluntad nga extortion activities sa syudad sang Bacolod.
Ginasuportahan man sang BCPO ang rekomendasyon sang election officer nga ipaidalom sa green category ang syudad bangud malinong man kag matawhay ang sitwasyon.
