Nagalain ang buot sang mga manunudlo nga magaserbe bilang Board of Election Inspectors (BEIs) para sa nagahilapit nga eleksyon bangud sa 20 percent nga buwis nga natalana nga kolektahon gikan sa ila mabaton nga honorarium.
Suno kay Richard Gelangre, Bacolod City Public School Teachers Federation president, kaangay lamang nga wala sila sang mabaton nga dugang sa ila nga honorarium bangud magakadto lamang ini sa buwis.
Suno kay Gelangre frustrating ang 20 percent nga tax bangud sang 2019 elections 5 percent lamang ini apang sa karun tuman ka dako ang ginsaka.
Ginpahayag sini nga suno sa COMELEC nagapatuman lamang ang ahensya sang mando gikan sa Bureau of Internal Revenue (BIR).
Nagalangot man ang buot sang mga ini bangud magluwas nga gamay lamang ang honaria sang mga manunudlo kuhaan pa sang 20 percent tax nga indi man makabayad kun may yara sang mga harrassments sa ila.
Apang suno kay Gelangre sa pihak sini nagapadayon man sila sa gihapon sa paghimo sang ila nga patriotic duty.
Ginalantaw lamang sini nga insakto ang ginahimo sang BIR apang nagalaom ang mga ini nga mahatagan sang konsiderasyon ang ginfile sang ACT Teachers Partylist antes magsirado ang session sang 18th Congress nga pag-exempt sa ila sa nasambit nga taxation bangud makaluluoy na ang mga manunudlo.
