Ginpanginwala sang 3rd Infantry Division sang Philippine Army nga may red tagging ang gobyerno sa mga activist ukon nagarally sa dalanon bilang pag-exercise sang ila freedom of expression.
Madumduman nga sang ginpatay ang human rights defender nga si Zara Alvarez sa Eroreco Subdivision, Barangay Mandalagan, Bacolod City sang Agusto tuig 2020, naggwa ang pangalan ni Iver Larit nga nalakip sa Kill, Kill, Kill list sang pwersa sang gobyerno.
Suno kay 3rd ID spokesperson Capt. Kim Apitong, wala nagapatigayon sang red tagging ang gobyerno kundi kahimuan ini sang New People’s Army agud patalangon ang mga pumuluyo.
Ang pagkamissing ni Larit suno kay Apitong ang dapat nga imbestigaran sang Philippine National Police, samtang obligasyon naman sang militar ang pagbantay sa seguridad sang mga pumuluyo.
Panindugan sini, indi kahimuan sang militar ang red tagging bangud wala sang tinaga nga red tagging ukon pagkadula sang isa ka tawo kundi ang paglagas lamang sa mga terorista ukon nagasuporta sa mga terorista bangud paglapas ini sa Anti-Terror Law.
Kun may namissing man nga miyembro sang isa ka grupo suno kay Apitong, kinahanglan nga ini ang imbestigaran sang law enforcement agencies.
Ang pag-upod naman sa rally suno kay Apitong ang kinamatarong sang kada Pilipino kag ini ang ginarespeto sang militar.
