Nagpanawagan ang Land Transportation Office Region 6 sa mga Negrense nga sarang gid sila makaavail sang serbisyo sang ahensya kadungan sang Integrated Sustainable Assistance for Recovery and Advancement Program (I-SARAP) nga magakick-off sa gym sang Silay City bwas sa aga.
Sa interview sang Bombo Radyo kay LTO 6 assistant regional director Atty. Gaudioso Geduspan, buligan sang mga personnel sang LTO ang mga nagapossess sang driver’s license nga magaexpire na sa sulod sang isa ka tuig agud nga sila ang makahimo sang account sa portal sang Land Transportation Management System agud nga sila ang maka-access sa online nga Comprehensive Driver’s Education ukon CDE nga magapaidalom naman sa validation exam sa venue mismo.
Suno kay Geduspan, ang CDE ukon daw kaangay sang refresher course ang requirement agud nga makarenew sang driver’s license halin sa 5-year validity padulong sa 10-year validity.
Ang mga participants sa caravan ang sarang man macater sang LTO halin alas-8:00 sa aga tubtub alas-5:00 sa hapon.
Nagcommit ang LTO nga makaakomodar sang 100 tubtub 150 clients bangud 10 tubtub 15 minutos ang kinahanglan para sa isa ka client.
Santo sa pagsulundan, sarang na makarenew sang lisensya 60 ka adlaw antes mag-expire ang lisensya samtang ang CDE ang sarang mapatigayon isa ka tuig antes ang expiration agud nga maisyuhan sang driver’s license nga valid sang 10 ka tuig.
