Pila ka bahin sang ciudad sang Bacolod ang nag-eksperyensya sang pagbaha kaina sang kaagahon kadungan sang wala untat nga pag-ulan halin kagab-i dala sang Low Pressure Area.
Kalakip sa mga ginbaha ang yara sa border sang Bacolod kag Talisay kun sa diin isa ka awto ang nakabulasot sa buho sa dalan.
Apang kadungan sang pag-ulan, ginabanta pito ka pamilya ang nahalitan sang sunog nga nagluntad sa Purok Kagaygay, Barangay 2, Bacolod City, pasado alas 2:00, Biyernes sang kaagahon.
Suno kay Shella Mar Ferare, isa sa mga nasunugan, nakabati na lamang ini sang hibi sang bata kag pagbangon sini, siya ang nakapanimaho sang kuryente.
Pagtsekyar sini, iya na lamang nakit-an nga ginatupok na sang kalayo ang ila puluy-an kasubong man ang balay sang ila mga kaingod.
Suno kay Ferare, nagikan sa puluy-an sang pamilya Pio kag Cuenconseho nga naga-upod sa isa ka balay, ang kalayo.// Bangud nga naga-ikit-ikit ang mga balay sa lugar kag himo ang mga ini sa light materials, madasig nga naglapta ang kalayo sa ila mga kaingod.
Yara sa karun sa barangay hall ang mga pamilya nga naapektuhan sang sunog.
Sa karun ginahibalo pa ang gintunaan sang kalayo.
