Ginabanta nagadangat sa P100 mil ang kahalitan nga gintuga sang pagkasunog sang Mayor’s Office sa banwa sang Isabela kahapon.
Ang sunog ang nag-umpisa pasado alas-5:00 sang hapon, samtang nabatun naman sang Bureau of Fire Protection (BFP)-Isabela ang report sang alas-5:20 sang hapon.
Suno kay Fire Officer 2 Henry Posas Jr, sang Isabela Fire Station, santo sa ila nga imbestigasyon electrical ang gintunaan sang kalayo apang wala pa matumod kun ano ang mismo nga nagtuga sang kalayo.
Paathag ni Posas nga igapadayun pa nila ang imbestigasyon subong nga adlaw.
Ginapakamaayo naman nga wala na naglapta sa iban nga departamento ang sunog kasubong man wala sang empleyado nga nahalitan bangod wala na sang tawo sa munisipyo sang mag-umpisa ang kalayo.
Ang sunog ang nadeklarar nga fire-out alas-5:50 kahapon sang hapon.
