Subong nga adlaw sang Domingo de Ramos tanda sang pagsugod sang semana santa kun sa diin ang pagdumdom kag paghiwat sang katapusan nga mga inadlaw sang kabuhi sang Ginoong Hesus kag diri man sini natuman kag natapos ang mission nga ginhatag sa iya sang Diyos nga amay nga amo ang pagluwas sang katawhan.
Ini ang paagi sa kasakit, pagkamatay kag pagkabanhaw nga masami nga mabatian sa liturhiya kag ini ang ginatawag nga Pascal ministry ang passion of death and resurrection sang Ginoo kun sa diin kita ang naluwas sa atun mga sala.
Bangud sa mga inadlaw sang semana santa kita ang natubos sa atun mga sala, ginakabig sang simbahan katolika nga ini ang pinakabalaan nga mga inadlaw sang atun pagtuluohan.
Kadungan sini ginapangabay ni Bishop Patricio Buzon sang Diocese of Bacolod nga isaulogon ang subong nga semana nga balaan.
Nagapanawagan man si Buzon nga updan naton ang pagdumdom sang mga inagyan ni Ginoong Hesus sa pagtubos sang atun mga sala paagi sa pagpamalandong kag pangamuyo.
Nagalaom man ang obispo nga sundon ang kinaandan nga tradisyon sa pagsaulog sang semana santa.
Ini ang pagpabilin sa semana santa nga adlaw sang pagpangamuyo kag reflection kasubong man ang adlaw sa pagupod naton kay Ginoong Hesus sa cruz agud kita ang magaupod man sa pagbanhaw sini.
