29 ka mga pamilya ang nag-evacuate matapos matiphag ang kilid sang suba sa Barangay Alijis syudad sang Bacolod kaina sang aga bangud sa wala untat nga pag-ulan.
Suno kay Barangay Kagawad Wilfredo Buyco, nagpangayo sang bulig ang mga residente sa Purok Road Side matapos nga may bahin sang suba nga natiphag, nga ila naman ginrespondehan gilayon.
Suno kay Buyco, gin-evacuate man ang mga residente sa Purok San Jose sa nasambit nga barangay agud nga madala sa mas hilway nga lugar samtang nagapadayon ang pag-ulan.
Ang mga evacuees ang gindala sa covered court sang barangay nga ginbutangan sang tent nga mahimo matulugan.
Samtang wala man makaluwas ang Bacolod City National High School matapos nga ginbaha man, apang madasig man nga nagsubside bangud may mahimo gwaan ang tubig sa likod sang eskwelahan nga ginbutang sang City Engineering Office.
Dako man ang tubig sa Lupit Bridge, Barangay 1 kag Barangay Sincang-Airport syudad sang Bacolod.
Hugot naman ang pagbantay sang City Disaster Risk Reduction and Management Office (CDRRMO) sa sitwasyon sa palibot sang ciudad.
