Masobra 80 ka mga pamilya sa ciudad sang Silay, nag-evacuate man bangud sa madamol nga pag-ulan dala sang Bagyo Agaton

83 ka mga pamilya ukon 319 ka mga indibidwal ang nag-evacuate sa ciudad sang Silay kadungan sang pagbaha bangud sa wala untat nga pag-ulan dala sang Bagyo Agaton.

Ini ang ginalakipan sang 19 ka pamilya sa Barangay Lantad; 24 sa Barangay Mambulac; 12 ka pamilya sa Barangay Rizal; lima sa Barangay 2; kag 6 ka mga pamilya sa Barangay Hawaiian.

Ang mga mga evacuees ang temporaryo nga nagatnir sa barangay hall ukon eskwelahan sa ila mismo nga barangay.

Nahibaluan nga indi mamadlos ang hangin sa Negros Occidental apang madamol ang pagtupa sang ulan.