Ginalantaw sang Hinobaan Municipal Police Station nga personal ang motibo sa pagpatay sang principal nga si Warren Escosar sa maestra nga si Almarisa Aroy sa sulod mismo sang campus sang Bilbao Uybico National High School sa Brgy. Po-ok, Hinobaan, Negros Occidental kaina sang aga.
Sa interview sang Bombo Radyo kay Police Major John Ganzon, hepe sang Hinobaan Municipal Police Station, subong nga adlaw, mafile kuntani si Almarisa sang complaint nga sexual harassment sa Women and Children’s Protection Desk sang Hinobaan Municipal Police Station batok sa principal kag ginahulat sang mga pulis ang pag-abot niya sa police station.
Wala na napadalman sang hepe kun ano ang reklamo sang maestra bangud ginatugyan na sa WCPD ang kaangay nga kaso apang ila nalang nabalitaan nga ginpatay ang mag-asawa.
May nagagwa man nga report nga ginreklamo sa 8888 Citizens’ Complaint Center ang principal kag ini ang ginpadal-an na sang sulat nga magfile sang iya response.
Apang suno kay Ganzon, ginaestablish pa sang imbestigador kun may kaangtanan ini sa krimen ukon ang plano lang ni Mrs. Aroy nga magfile sang reklamo nga sexual harassment ang ginkaakig sang suspetsado.
