Ginhatagan na sang alkalde sang banwa sang Hinobaan sang instruction ang Department of Social Welfare and Development (DSWD) office nga padulungan ang pamilya sang mag-asawa nga Almarisa kag Christopher Aroy kag sang suspetsado nga si Warren Escosar.
Suno kay Mayor Ernesto Estrao, magtimbang nga pamilya ang ginpakadtuan nila agud nga mahibaluan kun ano ang kinahanglanon sang mga ini.
Sa impormasyon nga nakuha sang Bombo Radyo, magagmay pa ang kabataan sang mag-asawa nga Aroy.
Nagpanugyan man ang alkalde sa tanan nga magpangamuyo agud nga mapabakod ang relasyon sa Ginoo bangud kun ang pulong sang Diyos ang nagahupot sa atun tagipusuon indi kita makahimo sang indi maayo nga butang kaangay sang pagpatay.
Nagapanawagan man ang alkalde sa tanan nga likawan ang pagbuya sang mga wala sang kamatuoran nga estorya nga makaapekto sa iban kag makapanumdom sang lain nga tunaan sang indi maayo nga hitabo.
