Nagapati ang tagpamaba sang BBM group sa Negros Occidental nga ang press conference sang Domingo nga ginpatigayon sang mga presidentiables nga sanday Manila Mayor Isko Moreno Domagoso, Senator Panfilo Lacson kag anay national defense secretary Norberto Gonzales ang makabig na nga pagtakop sang tyansa nga makalagas pa ang nagalagas sa ratings ni Presidential Candidate Ferdinand “Bongbong” Marcos Jr.
Suno kay former Murcia Mayor Sonny Coscolluela, imbes nga game changer ginakabig sang mga ini nga ulihi na nga lansang sa lungon sang Number 2 candidate ang nangin press conference sang Domingo partikular na ang panawagan ni Manila Mayor Isko Moreno kay Vice President Leni Robredo nga magwithdraw sa iya kandidatura.
Paathag sini nga nagapakita lang ang hitabo nga ginabatun na sang tatlo ka presidentiables nga si Bongbong Marcos ang Number 1.
Kun sa diin ginapahayag man nga kun basihan ang margin sa ratings, wala na sang tyansa nga malagas sang Number 2 ang Number 1.
Gani suno kay Coscolluela, ang panawagan ni Mayor Isko nga magwithdraw si Vice President Robredo ang bilang pagtahod nalang sa magapungko nga presidente.
Paathag sini nga ang mensahe nga luyag sang mga pumuluyo sa bilog nga Pilipinas agud nga makahulag gilayon kasunod sang eleksyon amo ang pagrespeto sa winner.
Suno kay Coscolluela nga santo sa psychology, ang Filipino movement ang masami nga naga-upod sa kun sa diin ang abanse.
