Isa ka miyembro sang New People’s Army ang patay kadungan sang engkwentro batok sa mga suldado sa Sitio Bajay, Brgy. Caliling, Cauayan, Negros Occidental, pasado alas-6:00 kaina sang aga.
Suno kay Brigadier General Inocencio Pasaporte, commander sang 303rd Infantry Brigade, may yara sang nabaton nga impormasyon ang tropa sang gobyerno nagikan sa mga pumuluyo nga may yara sang armado nga mga tawo sa nasambit nga lugar.
Ginvalidate sang tropa sang gobyerno ang nakuha nga impormasyon apang ila nga naengkwentro ang indi magnubo sa 15 ka miyembro sang Platoon 3 sang Southwest Front (SWF) sang Komiteng Rehiyon-Negros, Cebu, Bohol, Siquijor (KR-NCBS).
Matapos ang 10 minutos ang bayluhanay sang lupok, isa ka rebelde ang napatay kag narekober man ang isa ka M16 rifle sa encounter site.
Sa karun wala pa matumod ang identity sang napatay nga NPA member.
Ginapakamaayo naman sang Army Commander nga wala sang nasamaran sa tropa sang mga militar.
