Apat ka katapo sang New People’s Army ang nagsurrender sa kapulisan dala ang ila mga armas-luthang sa banwa sang Calatrava, Negros Occidental sang nagligad nga Semana Santa.
Ginkilala ang mga ini nga sanday alias Jerico, sang Sitio Tipolo Barangay Pantao, alias Rambo, sang Sitio Tul-angon Barangay Pantao kag alias Arnel sang Sitio Aniya barangay Winaswasan.
Una nga gin-surrender ni Alyas Rambo ang isa ka unit .38 caliber revolver nga may defaced serial number kag loaded sang apat ka live ammunitions.
Ginsurrender naman ni alyas Jereco ang isa ka unit sang .38 caliber revolver nga loaded sang lima ka live ammunitions.
Samtang sa mismo nga puluy-an naman nagsungka si alias Arnel ukon Babes kadungan sa pagsurrender sang isa ka unit sang .38 caliber revolver nga may defaced serial number kag nagaunod sang tatlo ka live ammunitions.
Samtang una na nga nagsurrender sa mga otoridad si alyas Robin, sang Regional Striking Force (RSF) sa idalom sang pagpanguna ni Ka Rigor.
Suno kay Police Lt. Col. Ryan Manongdo, commander sang Special Action Battalion 6, ang mga una nga nagsungka ang nagapamatuod nga hilway kag maayo ang pagtratar sang mga kapulisan kag tropa sang gobyerno sa mga surrenderees.
Suno kay Manongdo, ang tatlo ang ulihi na nga nagsurrender matapos ginpahayag ni Alyas Robin sa tropa nga may tatlo pa nga luyag magsurrender gani ila man gilayon nga ginfacilitate.
Pasalig sini nga may yara sang makuha nga benepisyo ang mga nagsungka ukon magasungka nga rebelde paagi sa mga programa sang gobyerno para sa mga ini.
Wala naman sang nasurrender nga high powered fired-arms ang tatlo ka miyembro sang communist-terrorist group.
