Ginpahayag sang tagpamaba sang Negros Occidental Police Provincial Office (NOCPPO) nga igaplastar na ang deployment sang mga police personnel napulo ka adlaw antes ang eleksyon.
Suno kay NOCPPO spokesperson Police Lt. Abegael Donasco, may date of dispatch na sila sang mga materyales sa north kag south nga bahin apang indi pa ini sarang nga madisclose agud malikawan ang posibilidad nga ini ang mabalabagana samtang nagatransport.
Suno kay Donasco, duha ka mga police personnel ang igadeploy sa 698 ka mga voting centers sa probinsya.
May yara man sang 170 ka mga personnel nga igadeploy sa municipality ukon city election monitoring areas center kasubong man ang quick reaction force para sa seguridad sang bilog nga Negros Occidental.
Suno sa tagpamaba, indi na magpagwa ukon magbaton sang personnel nagikan sa luwas sang probinsya agud malikawan man ang pagsulod sang variants sang COVID-19.
Suno kay Donasco, sa anum ka mga police provincial offices kag city police office, ang Negros Occidental lamang ang nagaisahanon nga wala sang variant.
