Gindula sang election officer sa syudad sang Bacolod ang kahangawa sang publiko nga mahimo nga madayaan ang piniliay paagi sa pagbayad sang mga technicians sang COMELEC sa field agud ireformat ang mga SD cards sang mga voting machines nga gamiton sa adlaw sang election sa Mayo 9, 2022.
Suno kay Atty. Revo Sorbito, ang mga technician sa field ang wala sang direkta nga access sa voting machines.
Suno kay Sorbito ang mga technicians ang nagatumod sang problema sang VCM apang wala ang mga ini nagatandog sa machines sabaylo ang mga ini ang nagatawag sa technical support sang mga naengkwentro nga concerns sa Commission on Elections sa Manila agud macoordinate ang naengkwentro nga problema.
Suno diri kun may yara sang problema nga maengkwentro sa adlaw mismo sang election ginapahibalo man ang mga botante agud nga mainform man ang mga ini kun ano nagakatabo
Ginpasiguro man ni Sorbito nga indi na makakas ang SD cards sa mga makina bangud halin palang sa Manila antes dal-on sa mga rehiyon kag probinsya ang ginselyuhan na ang mga ini kag wala sang makabukas sini.
Samtang, ginpasalamatan man ni Sorbito ang tanan nga katapo sang media nga nangin palaagyan agud nga mapaathag sa mga pumuluyo ang mga palamangkutanon kag iban pa nga mga concerns may kaangtanan sa election.
