Padayon pa ang imbestigasyon sang Himamaylan City Police Station angot sa ginsalvage nga lalaki nga nasapwan sa National Highway sang Purok 1, Barangay Aguisan, syudad sang Himamaylan kahapon.
Ginkilala ang biktima kay Levy Ortega, 36 anyos kag residente sang Purok Villamar, Barangay Estefania, Bacolod City.
Siya ang nasapwan nga nakaputos ang ulo, kag nakabaklid ang kamot kag mga tiil.
Sa interview sang Bombo Radyo Bacolod kay Police Captain Romulo Gepilango, deputy chief sang Himamaylan City Police Station, padayon pa ang ila nga imbestigasyon sa natabo nga krimen.
Subong nga adlaw padulungan man sang pamilya ang Himamaylan City Police Station para sa dugang nga impormasyon para sa imbestigasyon.
Ginkumpimar man sini nga ang Kap Macoy nga namention sa placard sa tupad sang bangkay ni Ortega amo si Punong Barangay Anthony Javelosa sang Brgy. Aguisan, Himamaylan nga nagapapili bilang representantative sang 5th District sa Kamara.
