Nagpanawagan ang pinuno sang Parish Pastoral Council for Responsible Voting (PPCRV)-Negros Occidental nga indi pag-ibase sa resulta sang survey ang pagboto sa isa ka kandidato subong nga nagahilapit ang eleksyon.
Suno kay Fr. Chris Gonzales, aminado ini nga indi na masaligan ang mga survey platforms sa karun bangud madamo na sang indi amo nga estorya ang nagagwa angot sa ginapagwa nga resulta sang survey sang mga kandidato.
Suno kay Gonzales, ang mga survey ang ginabasihan sang population numbers kag mga panan-awan sang mga tawo sa mga issues apang sa karun, naguba na ang reputasyon sang survey.
Wala man si Gonzales nagahambal nga indi matuod ukon matuod, apang nasubuan ini nga ang reputasyon sang surveys ang namantsahan na.
Nagpanugyan man ini sa tanan nga mga botante nga indi magpadala sa mga nabaton nga impormasyon kag dapat mangin madalom man ang analysis sa tagsa ka mga kandidato antes botohon.
