Nagapadayon sa karun ang encoding sang mga data sang mga beneficiaries sang fuel subsidy para sa mga corn farmers sa pungsod nga ginaencode sa Management Information System (MIS) kag ang data ang ginpasa sa bangko agud nga mangin basehan sang allocation para ihatag sa mga beneficiaries.
Sa interview sang Bombo Radyo Bacolod kay Albert Barrogo, Regional Technical Director for Operations sang Department of Agriculture Regional Office 6, ginatinguhaan nila sa karun kaupod sa Bureau of Fisheries and Aquatic Resources (BFAR) agud nga makaayo ang ABE-MIS agud nga makompleto na encode ang pangalan sang corn farmers.
Suno kay Barrogo, kun matigayon na nga maforward sa mga bangko ang pangalan sang mga farmer recipient, automatic naman nga makabaton sang One Time Pin (OTP) agud nga mapahibalo sa mga ini kun available na ang cards para sa fuel subsidy.
Sa probinsya sang Negros Occidental may yara sang 713 ka corn farmers.
Suno diri nagapadayon pa ang ila validation kag isa sa ginavalidate ang machinery nga ginagamit sang mga recipient.
Gin-athag man ni Barrogo nga ang mabaton sang recipient ang indi cash kunadi cards, kag fuel gid ang makuha sang mga ini bilang ayuda.
Nagpanawagan man ini nga dapat ang mga beneficiaries ang may yara sang kaugalingon nga contact number nga padal-an sang OTP bangud isa sa problema sa karun ang pagpadala sang bangko ang OTP bangud ang iban ang may multiple user number.
Ini man ang issue nga kinahanglan nila nga kaayuhon.
Suno kay Barrogo ang ila mga recipients ang ginabase lamang sa master lists kag nakarehistro sa RBSA.
Nagpanugyan man ini sa mga farmers nga kun may pamangkot makig-angot lamang sa Municipal Agriculture Office agud nga mapaathagan.
