Magabiya sa pungsod si Kris Aquino sa masunod nga mga inadlaw agud tutukan ang iya ikaayong lawas.
Ini ang ginpahayag sang Queen of All Media sang siya ang nagkomento sa post ni Asia’s Songbird Regine Velasquez sa Instagram.
Suno kay Kris, masobra isa ka tuig ini nga madula kag magatinir abroad agud magpabulong.
Sa comment, nagpangayo sang pasaylo si Kris kun late ang iya greeting bangud sila ang magahalin na sa pungsod sa masunod nga mga inadlaw kag masobra isa ka tuig nga magatinir didto para sa iya medical treatments.
Nagpasalamat man si Kris kay Regine kag sa iya bana nga si Ogie Alcaside bangud masami nila nga ginakamusta ang iya kahimtangan.
Indi malipod ang pagniwang ni Kris nga nadiagnosed nga may erosive gastritis kag gastric ulcer, magluwas pa sa iya autoimmune disease.
Una na sini nga ginpahayag ang posibilidad sang pagpadulong sini sa iban nga pungsod agud magpabulong.
Sang nagligad nga mga semana, nagpaidalum ini sa nagkalain-lain nga medical test agud mahibaluan kun siya ang sarang nga makabiyahe.
