Preparado na ang mga eskwelahan sa probinsya sa Negros Occidental nga himuon nga polling centers sa maabot nga May 9 elections.
Sa interview sang Bombo Radyo Bacolod kay provincial election supervisor Atty. Roberto Salazar, wala na sang ulihi nga feedback siya nga nabaton kasunod sang pagpatsekyar sini sa mga eskwelahan ilabi na ang mga naguba sadtong Disyembre 2021 bangud sa Bagyong Odette.
Wala naman sila sang negatibo nga feedback nga nabaton magluwas nalang sa isa ka lugar nga ginapangitaan nila sang paagi bangud kalabanan nga problema ang mga bombilya, connection sang kuryente nga nagkalaguba.
Samtang nagpasiguro man si Salazar nga ang iban nga mga concerns ang naaddress na.
Ginapasalamatan man ni Salazar ang suporta nga ginahatag sang Department of Education (DepED) sa COMELEC bangud nangin responsive sang sila ang nagpangayo sang bulig para sa ila nga preparasyon para sa May 9 elections.
