4,247 ka mga kapulisan sa Western Visayas ang ginpahanugutan sang Commission on Elections (COMELEC) nga makapakigbahin sa local absentee voting sugod Abril 27 tubtub sa Biyernes, Abril 29.
Suno sa Commission on Elections, 84,357 ka mga botante ang ginpahanugutan nga mag-avail sang local absentee voting (LAV).
Sa interview sang Bombo Radyo Bacolod kay Police Lt. Col. Arnel Solis, spokesperson sang Police Regional Office 6, boluntaryo ang pag-apply sang mga kapulisan sa local absentee voting.
Ang local absentee voting sang mga kapulisan ang patigayunon sa mga provincial police office sa Aklan, Capiz, Iloilo, Guimaras kag Negros Occidental.
Suno kay Solis, ang mga kapulisan sa BCPO ang magaboto sa NOCPPO.
Suno diri, ang mahandle naman sang local absentee voting sang mga kapulisan ang COMELEC kag wala man sila sang ballot boxes bangud ang ila boto ang pagasulaton lamang kag national candidates lamang ang ila pagabutohon.
Samtang may yara naman sang 100 ka mga kapulisan ang wala nalakip sa local absentee voters.
Nagpanugyan man si Solis sa mga kapulisan nga temprano pa sila mapadulong sa voting areas agud nga temprano nga makaboto.
