18 ka mga personnel sang Bureau of Fire Protection sa ciudad sang Bacolod ang nagboto kadungan sang local absentee voting nga ginpatigayon halin Abril 27 tubtub 29.
Suno kay Fire Chief Inspector Rodel Legaspi, fire marshal sang Bacolod City Fire Station, ginrecall ang BFP personnel sa Office of the Provincial Fire Marshal agud nga makaboto.
Ini ang may kaangtanan sa ila line of duty kun sa diin maubra nila gihapon ang function sa adlaw sang eleksyon.
Suno kay Legaspi, may deployment plan ang BFP para sa safety sang publiko kadungan sang eleksyon gani nagboto na ang 18 nga kalabanan indi taga-Negros Occidental bangud sila ang magaduty sa Mayo 9.
Ang off-duty naman ang makaboto bangud wala sila sang responsibilidad samtang ang taga-Bacolod ang makaboto man kun sa diin sila nakarehistro.
