Duha ka task group ang gintukod sang Bacolod City Police Office nga magatutok sa kalinong kag katawhay sa ciudad sang kadungan sang eleksyon sa Mayo 9.
Suno kay Police Lt. Col. Lester Leada, deputy city director for operations sang BCPO, ang Civil Disturbance Management ang magabantay sa canvassing area bilang anticipation sa kadamuon sang crowd sa Bacolod Government Center.
Samtang ang Special Operations Task Group naman ang tungaon sa napulo ka police stations sa ciudad agud nga mangin kabahin sang response team nga magaresponde kun may gamo sa ila area of responsibility.
Ang BCPO suno kay Leada ang nagapasalig naman nga kun ipangdul-ong na ang election paraphernalia, sila ang magahatag sang convoy security.
Sa BCPO headquarters naman, magamonitor man sanday Leada kun ano na ang dalagan sang eleksyon.
