Nagdangat na sa 184 ka ang mga nagbayolar sa Comelec Gun Ban sa Western Visayas as of April 25.
Suno kay Police Regional Office (PRO6) spokesperson Police Lt. Col. Arnel Solis, sa 184 ka mga violators, 61 diri ang nagikan sa Negros Occidental, 17 ang nagikan sa Bacolod, 25 sa Aklan, 16 sa Antique, 11 sa Capiz, pito sa Guimaras, 29 sa Iloilo Province kag 18 sa Iloilo City.
Suno kay Solis, kalabanan sa mga violators ang nagkaladakpan sa tunga sang mga komosyon samtang may iban man nga na-apprehend sa checkpoints.
Humalin sang nagsugod ang Comelec Gun ban sang Enero 9, nakakumpiskar sang 104 ka mga assorted nga armas luthang kag kalabanan sa mga ini ang short firearms kag mga wala sang lisensya.
Nagpanawagan man ang tagpamaba nga nagapadayon ang Philippine National Police sa pagbaton sang mga luyag magdeposito sang ila mga armas luthang.
Napasakaan na sang kaso nga pagbayolar sa Comelec Resolution No. 10728 ang mga nagkaladakpan.
