Nagmartsa ang mga grupo sang mga mamumugon sa ciudad sang Bacolod bitbit ang mga hayahay kadungan sang Labor Day kahapon.
Suno kay Prescilla Goco, secretary general sang Partido Manggagawa, nagdesisyon sila nga magpatigayon sang joint mobilization kun sa diin nagkalain-lain nga grupo sang mga mamumugon ang nakigbahin lakip na ang grupo sang mga mangunguma kag mga kababainhan.
Suno kay Goco, ini ang labing una nga kahigayunan nga nag-inupod sila matapos ang pila ka dekada.
Suno diri, kahapon ila gindesisyunan ang mga issue nga ginatanyag sang kada kandidato.
Ginpatpat man sini ang ila mga handum para sa mga mamumugon nga ginalakipan sang regular nga trabaho, security of tenure, pagpasaka sang sweldo kag mga benepisyo, proteksyon batok sa COVID-19, kag suporta sa mga naapektuhan sang pandemic kag mga nadulaan sang trabaho.
Suno sa iya, bilang mga mamumugon, sila ang nagabuhi sang sosyodad gani sila ang dapat maproteksyunan.
Nagpanugyan man si Goco sa mga kaupod nila nga mangin wais sa pagpili sang mga kandidato bangud diri nakadepende ang puturo kag bwas damlag sang masunod nga henerasyon.
