Nagapanawagan ang coordinator sang Parish Pastoral Council for Responsible Voting (PPCRV) sa La Castellana sa mga volunteers nga sila ang magapatigayon sang masterlisting sa mga botante.
Suno kay PPCRV La Castellana coordinator Helfred Siosan, kun magkadto ang mga volunteers sa simbahan ukon parokya, dapat iobserbar gid ang mga health protocols.
Suno kay Siosan, maayo gid ang peace and order sa ila banwa.
Suno diri, apisar nga may mga pagbayluhanay sang mga tinaga sa tunga sang mga partido, normal lamang ini.
Suno diri, swabe lang kag indi man tuman ka init ang politika sa La Castellana.
Suno sa iya, preparado na ang tanan sa PPCRV para sa eleksyon nga patigayunon sa May 9, 2022.
Nahibaluan nga may yara sang malapit 200 ka mga volunteers ang PPCRV agud mangin watchers sa kada polling precint nga igadeploy sa adlaw sang Eleksyon.
May ibutang man nga bulletin ang PPCRV kun sa diin makit-an ang pangalan sang mga botante kag ila corresponding precinct kag polling places.
Ang banwa sang La Castellana ang may yara sang 13 ka mga barangay, 286 ka mga precinct kag 68 ka mga clustered precinct.
