Nagsungka ang mag-asawa nga anay katapo sang New People’s Army (NPA) sa Bacolod City Police Office (BCPO) kaina sang aga.
Ginkilala ang mga nagsungka nga sanday alyas Taltal kag alyas Karyl.
Si alyas Taltal ang isa ka MTB Platoon 2 Leader kag si alyas Karyl ang isa ka Platoon medic.
Ang duha ang katapo sang Platoon 2 sang Armardos Sumayang Jr. Command sa bahin sang 6th district ukon Chicks area.
Ginrecruite si Alyas Taltal sang grupo sang NPA walo na katuig ang nakaligad samtang si Alyas Karyl naman ang narecruite sang 2018.
Suno sa mga ini nga nagdesisyon sila nga magbalik sa sabak sang gobyerno bangud indi na sila kaagwanta sang kakapoy kag kagutom sa bukid.
Sila ang nagsungka paagi sa Task Force Kasanag bangud ang amay ni Taltal ang miyembro sang nasambit nga organisasyon.
Nagsungka si Bacolod City Police Station 7 kag ginrefer man sa Bacolod City Police Office bangud ini ang una nga kahigayunan nga may yara sang nagsungka nga NPA member sa syudad sang Bacolod.
Suno kay Alyas Karyl, kun magpadayon sila sa pagpakigbato sa ginatawag nila nga rebolusyon wala man sila sang makuha magluwas sa kakapoy kag kagutom.
Ginpahayag naman ni Taltal nga ang pagpabilin sa grupo ang risgo sa kabuhi kag indi man makaupod ang pamilya mientras tanto.
Suno kay Taltal, wala man sang mahatag nga kaayuhan sa pamilya bangud wala sang man sang sweldo nga mabaton ang pag-upod sa NPA.
Suno diri nakapoy naman sila nga magpanago bisin diin.
Suno pa diri, kun wala sila sang engkwentro nagaupod ang mga ini sa mga tawo sa komunidad agud nga magpanago sa mga otoridad.
Nagboluntaryo ini sa pagsungka agud nga makaupod nila ang ila pamilyas asta mientras.
Natigayon man ang ila nga pagsungka matapos nga ginestorya sini ang iya amay nga katapo sang Task Force Kasanag kun sa diin ginbuligan man sila nga makasungka sa mga otoridad.
