Nadeliver na sa tanan nga polling precincts ang mga vote counting machines (VCMs) kag official ballots nga pagagamiton sa May 9 elections.
Suno kay Comelec Commissioner Aimee Ferolino, magluwas sa mga VCMs kag mga balota, napadala naman ang mga ballot boxes, Broadband Global Area Network kag Consolidated Canvassing System (CSS) kits ang nakumpleto na sang Mayo 5.
Suno naman kay Commissioner Marlon Casquejo, ang 70,924 clustered precincts ukon 67 percent sang masobra 106,000 clustered precincts nationwide ang nakapatigayon na sang final testing kag sealing sang mga VCM nga pagagamiton sa Eleksyon.
Madumduman nga tubtob sa Mayo 7 pa ang ginapatigayon nga final testing kag sealing sang mga VCM nga nagsugod sang Mayo 2.
Yara sa kapin 355 ka mga VCMs kag 44 SD cards naman ang nadiskubrehan nga depektibo kag kinahanglan na nga maislan.
Kalabanan sa mga depektibo nga VCM ang may problema sa scanner kag printer roller.
Ini ang ginkay-o sa Comelec warehouse sa Santa Rosa, Laguna.
Ginsiguro naman sang Comelec nga indi magkaproblema ang mga VCM apang may yara lamang sang 1,100 contingency machines.
May yara naman sang walo ka mga VCM repair hubs sa bilog nga pungsod.
Gina-engganyo sa gihapon sang Comelec ang publiko, poll watchers kag mga representatives sang mga political parties nga makigbahin sa testing sang mga VCMs.
