Wala sang may nakit-an nga iregularidad ang Commission on Elections, OCTA Research Group kag duha ka mga election watchdogs sa consistent 47 percent ratio sa tunga sang mga boto sanday presidential candidates anay Senator Ferdinand “Bongbong” Marcos Jr. kag Vice President Leni Robredo.
Sang Lunes sang gab-i, ginpakigbahin sang mga netizens ang ila mga obserbation sa gap sang votes ni Marcos Jr. kag Robredo nagikan sa nagkalain-lain nga mga probinsya humalin 8:02 pm tubtob 9:32 pm sang Mayo 9 kag lunsay yara sa 47 percent ang mga ini, rason kun ngaa naalarma ang pila ka mga grupo lakip na ang Chamber of Commerce of the Philippine Islands (CCPI).
Suno kay CCPI president Jose Luis Yulo, kun lantawon ang mga nagasulod nga figures, tuman ka athag nga may sala bangud ini statistically possible nga consistent 47 percent sa kada presinto.
Suno kay Yulo, ang absence sang deviation sa abanse ni Marcos Jr. kay Robredo ang nagapakita lamang nga may sala na sa numero.
Ginpahayag man sang CCPI chief nga dapat i-address sang Comelec ang nasambit nga issue.
Samtang, ginpanginwala naman sang Comelec ang mga alegasyon tuhoy sa “electoal fraud” kag ginpahayag nga mangin mabudlay pamatud-an nga may pagpandaya sa 2022 national kag local elections gamit lamang ang nasambit nga percentage.
Suno kay Commissioner Marlon Casquejo, mabudlay pamatud-an kun maghambal nga may dinaayay santo sa percentage bangud ang system ang nagaagi sa certification kag may yara sang local source code review.
Ginkwestiyon man sini kun paano mapasulod ang nasambit nga percentage agud mapadaog ukon mapapierde ang isa ka kandidato.
Gin-eksplekar man sang Comelec nga ang consistent margin ang “statistically probable” bangud ang transmissions ang wala ginabaton sang Comelec kada rehiyon kundi nagikan sa nagkalain-lain nga bahin sang pungsod.
A
Suno pa diri, kun magapamilit gid sila, sarang nga matsekyar ang election returns sa kada probinsya.
