Nagalaom ang mga manunudlo sa ciudad sang Bacolod nga masakaan ang ila nga sweldo sa idalom sang pagpamuno ni presumptive vice president Sara Duterte bilang incoming secretary sang Department of Education.
Sa interview sang Bombo Radyo kay Richard Gelangre, presidente sang Bacolod City Public School Teachers Federation, ginpromisa ni Presidente Rodrigo Duterte sang tuig 2016 nga pasakaan niya sang P10,000 ang sweldo sang mga manunudlo, apang P2,000 lang ang ila salary increase.
Bangud bata man ni Duterte si Mayor Sara, nagalaom si Gelangre nga mahatagan sang pagtamod sang benepisyo sang mga manunudlo.
Nagalaom man ang grupo sang mga manunudlo nga respetuhon sang presumptive vice president ang sentimyento sang mga manunudlo sa tion sang rally.
Ginapaabot man ni Gelangre ang pagpatuman sang disiplina sa mga kabataan sa eskwelahan.
Ginalauman man sini nga mahatagan sang pagtamod ang matuod nga kasaysayan sang Pilipinas agud mapulutan ini sang leksyon kag indi lang pag-irevise.
