Kampo ni Bacolod City mayor-elect Albee Benitez, magarespeto kay Mayor Leonardia kun mafile ini sang electoral protest

Nagbalibad ang kampo ni Bacolod City mayor-elect Albee Benitez nga magpadalom sa mga plano ni Mayor Bing Leonardia matapos malutos sa eleksyon sang Lunes.

Suno kay Atty. Bong Dilag, atubangon nila ang electoral protest kun magfile gid man si Leonardia apang indi niya ini paghatagan sang dako nga pagtamod.

Suno diri, kinamatarong ni Leonardia ang pagfile sang electoral protest.

Sa karon, nagatutok ang kampo ni mayor-elect Albee Benitez sa transition angot sa pagpungko sini sa Hunyo 30 sang udto.

Subong, wala pa sang formal appointment si Dilag apang nabutang naman ang iya pangalan sa transition team nga gintukod ni Benitez.

Ang nasambit nga team ang pamunuan ni Bacolod City Lone District Congressman Greg Gasataya.