Aminado ang pinuno sang administrative section sang Bacolod Traffic Authority Office nga magadepende sa administrasyon ni mayor-elect Albee Benitez kun sin-o ang kakason ukon iga-retain nga traffic enforcers sang ciudad.
Sa interview sang Bombo Radyo kay Dennis Perma, magaserbe pa ang mga traffic enforcers tubtub sa Hunyo 30 bangud magadepende sa masunod nga administrasyon kun sanday sin-o naman ang kuhaon nga job order casuals.
Sa karon, ang BTAO ang may yara sang 483 ka job order nga traffic enforcers kag 26 lang ang regular employees.
Suno kay Perma, wala pa sila nakaistorya sa transition team sang Albee administration angot diri.
Sang Martes, aminado si Perma nga diutay lang nga traffic enforcers bangud sila ang nakapoy kag naglain ang pamatyag matapos ang 24 oras nga duty sa mga polling places.
Kahapon, ginsapol na ni Perma ang mga traffic enforcers kag madamo naman sila nga nagduty.
