Ginapangita pa ang priso nga nakapalagyo nagikan sa custodial facility sang Talisay City Police Station kahapon sang aga.
Suno kay Police Lt. Col. Arthur Baybayan, hepe sang Talisay City Police Station, nagpakuno-kuno si Arnel Ocaña sang Barangay Cabatangan, Talisay nga nagasakit ang iya tiyan.
Bangud sini, ginbuligan sini sang duty desk officer kag jailer nga si Chief Master St. Pastor Antonio Celajes nga makahigda sa salsalon nga pulungkuan sa lobby sang police station antes ini nagtawag sa City Health Office.
Sang nagbalik na si Celajes nagikan sa City Health Office, wala na si Ocaña sa pulungkuan kag nagpalagyo na.
Si Ocaña nga ginakabig most wanted personality sa Mandaue City, Cebu ang naaresto sang Abril 23 paagi sa warrant of arrest sa kaso nga rape.
