Masobra P1.1 million nga balor sang illegal nga druga ang nakumpiskar sa drug buybust operation nga ginpatigayon sang City Drug Enforcement Unit (CDEU) sa Purok Kapawa, Barangay Punta Taytay, Bacolod City kaina ala 1:00 sang kaagahon.
Sa impormasyon nga nakuha sang Bombo Radyo, ginkilala ang mga suspetsado sanday Pearl Je-Ann Elera, 26-anyos; kag Riegel Troy Quimba, 20-anyos, lunsay mga high value individual kag mga residente sang nasambit nga lugar.
Nakuha sa ila paghinakop ang P1,500 nga marked money; P200 cash proceed; isa ka sling bag; 32 ka mga heat sealed transparent plastic sachet sang suspected shabu kag isa ka knot-tide transparent plastic bag nga nagaunod sang suspected shabu.
Ang nakumpiskar nga illegal nga druga ang ginabanta nagabug-at sang 174 grams kag may estimated market value nga P1,183,200.00.
Sa karun nakahunong ang mga suspetsado sa Bacolod Police Station 9 kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
