Diri sa kalibutan indi ta mapaktan ang aton swerte ilabi na sa pulitika.
Ini kasunod samg malutos sang isa ka market vendor ang isa ka doktor sa mayoral race sa banwa sang Dolores sa probinsiya sang Eastern Samar.
Kahapon, Mayo 11, ginproklamar sang municipal board of canvassers si Rodrigo Rivera bilang mayor-elect sang amo nga banwa.
Ang kasumpong sini doktor nga utod ni incumbent Mayor Shony Carpeso.
Si Rivera isa ka anay punong barangay nga tubtob lamang sa second year high school ang natapos.
Nangin kapitan man si Rivera sang Barangay Gap-ang sa Dolores si Rivera sa sulod sang 9 ka tuig.
Nakakuha sang 11,508 nga boto si Rivera samtang ang kasumpong sini nga isa ka doctor nga si Zaldy Carpeso sa idalom sang PDP-Laban party.
Sa karun nga napilian na ini nga mangin isa ka alkalde, nagapreparar na ang team sini kun paano masolusyunan ang problema sa banwa sa tion nga magpungko na ini sa pwesto sa Hunyo 30.
Pila sa mga problema ang barado nga drainage, madulom na nga dalan, kakulan sang classrooms, kakulangan sa access sa health services, kag kakulabngan sa water system.
Apisar nga nangin madinalag-on, dapat atubangon ni Rivera ang realidad nga ang miyembro sang municipal council ang tanan kaalyado sang napierde nga kandidato.
Ginpahayag ni Rivera, nga nabaton sini ang kamatuoran nga may yara sang deperensya sa tunga sini kag sang municipal council sa tion sang termino sini apang nagpanawagan na ini sang suporta agud nga malab-ot man nila ang tinutuyo nga maserbehan ang mga pumuluyo.
