Ginpanindugan sang business group nga dapat amat-amaton lang ang saka sa minimum wage sa Western Visayas sa baylo nga tingubon ang P55 ukon P110 nga wage hike, santo sa wage order nga ginpagwa sang National Wages and Productivity Commission.
Suno kay Frank Carbon, chief executive officer sang Metro Bacolod Chamber of Commerce and Industry, P33 lang ang wage hike sa National Capital Region bisan dalagko ang mga negosyo sa Metro Manila.
Suno kay Carbon, mahimo nga nakit-an sang NCR Wage Board nga madamo pa ang negosyante nga indi makasarang sang wage increase bangud sa epekto sang COVID pandemic.
Ang mga negosyo sa Region 6 suno kay Carbon ang kalabanan small and micro enterprises nga nagaemploy sang 10 ka empleyado panubo gani P110 ang igaenjoy nga wage increase sang mga trahabador.
Suno kay Carbon, 90 porsyento sang negosyo sa Western Visayas ang magapatuman sang P110 nga wage hike gani ini ang mabug-at para sa mga employers.
Panindugan ni Carbon, kuntani nagpamangkot ang Wage Board sa management sector samtang nagapadayon ang deliberasyon sang wage hike petition gani wala nakonsulta ang mga negosyante.
Suno diri, abnormal ang panahon sa karon bangud sa COVID pandemic gani dapat konsultahon ang nagabayad sang sweldo sang mga empleyado.
