Gindayaw sang punong barangay sang Barangay Singcang-Airport sa syudad sang Bacolod ang effort sang mga kapulisan sa pagpangdakop sa mga nagaengaged sa iligal nga druga.
Sa interview sang Bombo Radyo Bacolod kay Punong Barangay Rosinie Distrito, nagapadayon ang kampanya nila sang Barangay Anti-Drug Abuse Council (BADAC), batok sa iligal nga druga.
Sa pihak sang ila pagpangampanya nagasige man ang ila pagpanakop bangud madamo na ang nagakaapektuhan.
Nagpahanumdom man ini sa mga pumuluyo ilabi na ang mga nagabaton sang mga boarders nga tsekyaron gid dapat ang mga aktibidad sang nagarenta sa ila bangud dako ang pagpati sini nga indi tanan nga nagkadakpan sa ila barangay ang residente gid.
Suno diri ang iban sa mga nadakop ang mga pangayaw ukon mahimo man nga residente sang Barabnngay Singcang-Airport apang ang nagasupply nagikan sa iban nga lugar.
Nagpanawagan man ini sa mga residente nga ipahibalo sa Barangay ukon sa mga kapulisan kun may yara sang nakita nga makadukudad nga aktibidad sa Barangay agud nga mamonitor.
Ginpahayag man sang punong Barangay nga indi dapat magkahadlok ang mga pumuluyo sa mga nagaubra sang kalainan bangud sila sagihapon ang maapektuhan.
Ginaengganyo man sini ang mga nagaintra sa iligal nga buluhaton nga mag-untat na bangud wala man sang maayo nga mahatag sa ila.
