Apisar sa stop-and-go preparations sa tunga sang COVID-19 pandemic, nakatapos ang mga Filipino athletes sa 31st Southeast Asian Games nga napakita ang ila pinakaproduktibo nga paghampang.
Ginapasalamat nga bangod sa Gilas women’s basketball squad kag ulihi nga pagduso sang boksidor nga si Ian Clark Bautist, Rogen Ladon kag Olympic medalist Eumir Marcial kun sa diin ang pungsod ang nakakuha sang dugang nga apat ka bulawan nga medalya kahapon nga nagtapos sa 51 ka gold medals kag masobra 200 na nga mga medalya sa kabug-usan sang pahampang.
Kahapon sang gab-i, ang Muay Thai gold medal ang ginpasa sa Pilipinas matapos nga ginpaburan sang organizer ang sport’s national federation nga nagaprotesta sa resulta sang 57kg men’s event.
Gin-award kay Phillip Delarmino ang first place, nga amo ang ika-52 na nga bulawan sang Pilipinas, samtang si Nguyen Doan Long sang Vietnam naman ang ginpanaog sa runner-up.
Sa koleksyon sang medalye, ang Pilipinas ang ika-apat kasunod sa host nga Vietnam, Thailand kag Indonesia.
Yara naman sa Top 5 ang Singapore kag Top 6 ang Malaysia.
