Nagpagwa sang marching order ang bag-o nga regional director sang Bureau of Jail Management and Penology (BJMP) 6 sa pagpakusog sang seguridad sa mga jail facilities.
Suno kay Jail Chief Insp. Jairus Anthony Dogelio, tagpamaba sang sang BJMP 6, ginbulsan ni Jail Chief Supt. Clint Russel Tangeres si Jail Chief Supt. Arnold Buenacosa bilang regional director matapos ini nagretiro sang Mayo 22.
Suno kay Dogelio, si Tangeres ang nagikan sa national headquarters.
Suno sa iya, sang nag-assume ini sa pwesto, may yara na ini sang marching order agud mapakusog ang seguridad sa mga jail facilities kag himuon gid sa mga personnel sang insakto ang ila trabaho.
Suno diri, isa sa mga goal sini amu ang mapasaka ang standing sang Regional Office 6 sa national level kun sa diin sa 18 ka mga rehiyon sa pungsod, tinutuyo sini nga magpanguna ang Western Visayas sa awarding sa national level.
Sa karun wala pa sang specific nga plano ang bag-o nga regional director apang ang objective sini amu nga makit-an nga nagafunction sang maayo ang mga personnel kag masiguro ang seguridad.
Suno kay Dogelio, ila ginawelcome ang mga inputs nagikan sa mga komunidad kag nagpasalig nga apisar sang ila mga kakulangan, ginahimo sang regional office ang tanan kag masiguro nga nagatrabaho sang maayo ang mga personnel kag secured ang mga jail facilities.
