Nagpanindugan ang kasumpong ni Bacolod City Mayor Evelio Leonardia nga wala sang basehan ang pagfile sini sang electoral protest nga nagapangayo sang manual nga pag-isip sang mga boto sa May 9 elections.
Madumduman nga sa pihak sang masobra 60 mil ka mga boto nga abanse sang kasumpong sini sa mayoral race, nagfile sa gihapon sang electoral protest si Leonardia sang Mayo 20 paagi sa iya nga mga legal counsel nga sanday Atty. Marcus Vaflor kag Jireh Alimon.
Ang protest ang ginfile sa Comelec Central Office sa Intramuros, Manila kag nadocket bilang Election Protest Case No. 008-2022.
Suno sa spokesperson ni Bacolod City mayor-elect Albee Benitez nga si Atty. Bong Dilag, ang reklamo ni Leonardia ang exercise in futility, baseless kag frivolous complaint.
Suno sa iya, indi matuod ang mga akusasyon nga may massive vote buying kag fake voters ang ginpahanugutan nga magcast sang boto nga nagresulta sa mysterious kag indi mapatihan nga resulta sang piniliay sa syudad sang Bacolod.
Suno kay Dilag, wala sang documented ukon registered protest ukon objection sang mga watchers ni Leonardia sa mga presinto.
Suno diri mas ginpakod pa sang Comelec ang ila nga posisyon sa clean, honest kag orderly ang ginpatigayon nga piniliay.
Panindugan sang abogado, kuntani batunon nalang sang kampo ni Leonardia ang kamatuoran nga ini ang napaslawan bisan masakit.
