Nagpanugyan ang Provincial Health Officer (PHO) sang Negros Occidental nga indi magkahangawa sa monkeypox bangud wala man sang kaso sini sa probinsya.
Sa interview sang Bombo Radyo Bacolod kay Dr. Ernell Tumimbang, nagapadayon ang ila nga monitoring sa Department of Health angot sa balatian.
Suno kay Tumimbang wala sang dapat nga kahangaw-an ang mga pumuluyo bangud ang wala pa sang kaso sang Pilipinas kasubong man sa probinsya.
Suno sa PHO, sa karun kinahanglan lamang ipabilin ang katinlo sa atun kalawasan, magkaon sang masustansya nga pagkaon kag pabakuron ang immune system agud nga malikawan nga matapikan sang balatian.
Nagpanugyan man ang doctor nga ang early signs kag symptoms sang mga viral disease ang nagpalareho lang gani dapat nga magpadulong sa barangay health center ukon municipal health office agud nga matumod kun ano ang ginabatyag.
Gindayaw man sini ang information dissemination nga ginahimo sang Bombo Radyo Bacolod bangud nagahatag sang awareness sa mga pumuluyo angot sa monkey pox.
