Ginawelcome sang Trade Union Congress of the Philippines (ALU-TUCP) ang appointment ni Bienvenido Laguesma bilang incoming secretary sang Department of Labor and Employment (DOLE).
Sa interview sang Bombo Radyo Bacolod kay Alan Tanjusay, tagpamaba sang ALU-TUCP, may ara sila sang pagpangduha-duha bangud madamo sang report nga si Laguesma ang isa sa pinakadako nga manpower service provider sa Pilipinas.
Suno kay Tanjusay, nagakadapat man nga sabton ni Laguesma ang mga nagagwa nga mga aligasyon batok sa iya kasubong man ipahibalo sa publiko kun ano ang status sini sa karun.
Indi man madula ang posibilidad nga indi sini mapakigbato ang kinamatarong sang mga mamumugon bangud inclined ini sa management sector.
Ginpahayag man sini nga ang ALUTUCP ang nakahanda naman apisar nga madamo sang ginapangatubang sa karun nga mga pagpanghangkat ang Department of Labor and Employment (DOLE) ilabi na ang tuga sang pandemiya.
Ginalauman nga si Laguesma ang mangin open kag receptive sa mga labor groups kag mangin bukas ang opisina sini 24/7 para sa mga magapadangat sang problema kag pagpang-abuso sa mga mamumugon.
Nagpanawagan man ini kay Laguesma nga ipadayon kag i-expand pa ang pagkabukas kag pagkareceptive sang DOLE sa mga issue nga mahimo ipadangat sang mga mamumugon.
Suno diri dapat man nga i-address ang mga problema sang poverty wages bangud tuman kanubo sang sweldo nga ginahatag sang wage board, kag ini ang ginalauman nga mangin dako nga pagpanghangkat kay Laguesma kasubong man ang nahanungod sa end of contract kag contractual.
Suno pa sa tagpamaba sang ALU-TUCP dapat nga magtrabaho si Laguesma kag magperform masobra pa sa ginhimo ni DOLE Secretary Silvestre Bello III.
